Insalifääger Mouesee

Herzlich Willkommen bei den Insalifääger Mouesee!

Wir sind die Guggenmusik aus Mauensee – laut, bunt und voller Herzblut. Seit 1990 bringen wir Stimmung an die Fasnacht und leben unsere Freude an Musik und Gemeinschaft. Schön, dass du bei uns vorbeischaust!

Liebi Fasnächtler, Frönde, Gönner und alli, wo üs über all die Johr begleitet hend, noch üsere diesjährige OV stoht fest:
D’Saison 2026/27 wird s’letschte Johr als Guggemusig vo de Insalifääger Mouesee si.🧡🧡

De Entscheid isch üs alles andere als liecht gfalle ond mer hend alli Massnahme versuecht. Hender de Insalifääger legged unzähligi Probe, Uftritte, Fasnachtstäg, Fäscht, verruckti Idee und vor allem ganz vell unvergässlichi Momänt. Momänt, wo üs als Gugge prägt hend und wo mer für immer i Erinnerig werded bhalte. Und will d’Insalifääger ned nur us dene bestönd, wo höt no aktiv debii sind, werded üs i dere spezielle Saison au immer wieder Altfääger begleite und mit üs uf de Bühni stoh. 🥁🎺 Denn egal, wie lang öpper scho debii isch – oder wie lang’s här isch: Einisch Fääger, emmer Fääger.

Aber bevor mer Adieu säged, liid no es ganzes Johr vor üs. Und eis isch klar: Mer gönd ned still und heimlich. Metem Motto 𝗘𝘀 𝗵𝗲𝗱 𝗲𝘂𝘀 𝗽𝗳𝗮𝘂𝘁 starte mer i eusi letschti Saison. Mer wönd nomol alles gäh, musiziere, fäschte, lache ond d’Fasnacht gnüsse. Met euch allne - uf das stosse mer jetzt scho ah! 🦚